Зидан го откри играчот кој е најважен за Реал, но за чудо тоа не е Роналдо

Францускиот стратег, Зинедин Зидан пред два дена ја доби наградата за најдобар тренер во 2017. година од страна на ФИФА.

Зидан така стана првиот човек во историјата кој ја добил наградата за најдобар играч, но и за најдобар тренер во светот, а тој по церемонијата одлучи да го пофали дефанзивецот на својот тим, Серхио Рамос.

„Серхио Рамос е нашиот капитен и тој знае каков е неговиот статус во нашиот тим. На крајот, тој е најважниот играч и е лидер во тимот. Реал Мадрид е најдобриот тим во светот и нашата цел е да продолжиме да создаваме историја со сите играчи и луѓе кои се во клубот“, изјави Зидан.

Потсетуваме, Рамос е во најдобриот тим за 2017. година од страна на ФИФА, а освен него од играчите на Реал тука се Марсело, Крос, Модриќ и Роналдо.