Зидан бесен: Околку казната на Роналдо, тука нешто не е во ред…

Тренерот на Реал Мадрид, Зинедин Зидан смета дека фудбалскиот сојуз на Шпанија изрекол преостра казна за Кристијано Роналдо.

Португалецот е казнет со пет натпревари суспензија откако го бутна судијата на неделното „Ел Класико“ на „Ноу Камп“.

„Бесен сум, сите сме бесни. Не сакам да се мешам во работата на судијата, но кога ќе се погледне што се случи и се сфати дека Кристијано нема да игра пет натпревари, тука нешто не е во ред. Пет натпревари се многу“, истакна Зидан на конференцијата за медиумите и додаде:

„Што се случи, се случи, но се надевам дека повторно ќе ја прегледаат ситуацијата. Дисциплинската комисија ќе се состане во среда“.

Во среда на програмата е реванш мечот помеѓу Реал и Барселона, но Зидан смета, дека иако имаат предност од првиот меч се уште ништо не е готово.

„Во фудбалот ништо не е готово. Барселона во секој момент може да ги отежни работите“, истакна Зидан.