Зверев закажа полуфинале со Ѓоковиќ!

Aлександар Зверев успеа да се пласира во полуфиналето на завршниот мастерс во Торино откако во два сета го совлада Хуберт Хуркач.

Германецот за нешто повеќе од еден час дојде до сигурна победа од 6:2 и 6:4, со што го обезбеди второто место во црвената група. Ова значи дека во полуфиналето кое на програмата е задутре Зверев ќе се сретне со Новак Ѓоковиќ.

Во второто полуфинале Медведев ќе се соочи со подобриот од Андреј Рубљов и Каспер Руд.