Лошата сезона за Алексис Санчез во Манчестер Јунајтед стана уште полоша бидејќи Чилеанецот се повреди на бизарен начин на мечот против Пари Сент Жермен.
Санчез беше принуден од клупа да влезе во игра на местото на повредениот Џеси Лингард, но на загревањето и сам се повреди.
Пред дербито, падна најважниот потпис во Манчестер Сити! ↓↓↓
Чилеанецот при загревањето се судри со помошникот судија, Фабиано Прати и тоа непосредно пред да влезе во игра на местото на Лингард.
Санчез на полувремето беше прегледан од лекарскиот тим кој даде зелено светло сепак да влезе во игра, но пред самиот крај се пожали на болки над коленото.
Неговата повреда сега преставува голем проблем за Јунајтед и менаџерот Солскјер бидејќи тимот во понеделник го очекува тешко гостување против Челзи во ФА Купот.
Неизвесно е дали Санчез ќе се врати до тогаш, под знак прашалник е и настапот на Џеси Лингард, како и на Марсијал кој има повреда на препоните.
После мечот со Челзи, Јунајтед го очекува дуел со Ливерпул во Премиер лигата, како и со Кристал Палас и Саутемптон, а потоа следува реваншот со Пари Сент Жермен на 6-ти март на „Паркот на принцовите“.
Санчез не е во добра форма од почетокот на сезоната и ја грее клупата за резерви, па ова беше период во кој можеше да добие значителна минутажа за да се врати во форма.
Учество во игри на среќа е дозволено за лица со 18+ години. Играј одговорно!