За екипата на Клоп само бод на гостувањето во Њукасл

Њукасл и Ливерпул ремизираа во рамки на дуелот од седмото коло од ПЛ, откако на двете страни беше постигнат само по еден погодок.

Двата погодоци беа постигнати во првото полувреме и тоа во разлика од седум минути.

Кутињо со феноменалниот погодок му донесе водство на Ливерпул, а до израмнување домашните стигнаа преку Хосел кој имаше одлична асистенција од страна на Шевиљ.

Во продолжението Стариџ можеше во 50. минута да му донесе ново водство на Ливерпул, но не му успеа, а во финишот на мечот исто така шанса имаше и Морено.