ЕУРО анализа: Франција – Швајцарија, тимот на Дешамп сеуште не го кажал последниот збор

Во вечерниот термин од 21:00 часот во понеделник, во осминафиналната фаза на арена Наполитана во Букурешт, играат Франција и Швајцарија.

Швајцарија има за цел да предизвика шок од големи размери, елиминирајќи го светскиот шапион Франција. Но тоа ќе биде речиси невозможна мисија. Сепак, Франција го има еден од најдобрите тимови во Европа и е веројатно кандидат број еден за трофејот, барем според играчкиот кадар.

Тимот од соништата ја бара формата

Франција заврши прва во групата на смртта и тоа пред Португалија, Германија и Унгарија. Дури и актуелните светски шампиони се помачија во таа тешка група. Како клучен се покажа првиот натпревар против Германија во Минхен, каде Франција славеше со 1:0.

Еластичните Унгарци кои ги освоија срцата на неутралните гледачи и покрај тоа што завршија на последното место во групата – успеаа да одземат бод од пресметката со Франција, додека рекордната вечер на Кристијано Роналдо значеше реми на Франција против Португалија од 2:2.

Унгарија сепак докажа дека светските шампиони се далеку од силата што ја имаа во Русија пред три години. Според играчкиот кадар тие се неприкосновени, но како што многумина велат – ѕвездите не освојуваат титули.

Со оглед на тоа што Килијан Мбапе се уште се бори за да ја пронајде својата посакувана форма, Франција можеби и не го покажала своето најдобро лице. Дешамп вели дека ремито со Унгарија не е шок за нив напротив тоа реми според селекторот е добредојдено за да ги разбуди француските ѕвезди.

Ремито со Португалија значеше 10-ти натпревар без пораз во сите натпреварувања по нивниот шокантен пораз од Финска минатата година и таа серија веројатно ќе продолжи и после овој меч.

Швајцарија не е на потребното ниво

На Шаќири не му беше потребна дополнителна мотивација за повторно да биде играч број еден во својата репрезентација. 29-годишниот репрезентативец ги постави Швајцарците беше најзаслужен за победата од 3:1 против Турција во решавачкиот меч од групната фаза.

Но оваа селекција која на ЕУРО 2020 има високи амбиции, се пласираше во оваа фаза од третото место. Прво се случи она разочарувачко реми со Велс, па поразот од Италија со 3:0, за конечно во последното коло да ја забележат клучната победа.

Тоа беше далеку од очекуваното за избраниците на Владимир Петковиќ, но местото во осминафиналето е она што е важно за Швајцарија, која се пласира во нокаут-фаза на голем турнир четири пати по ред.

Сепак, Швајцарија во оваа фаза испаѓа три пати по ред, а сега повторно има речиси невозможна мисија пред себе. Има Швајцарија голем квалитет во составот, но ако сакаат да и парираат на Франција, ќе мора да одиграат на едно многу повисоко ниво, од она што го играа во групната