Енрике за изјавата на Роналдо: Среќен сум што не гледав ТВ!

Претставниците на Барселона во понеделникот на присуствуваа во Цирих на церемонијата на ФИФА каде се бираа најдобрите за изминатата година.

За најдобар фудбалер во 2016 година беше прогласен напаѓачот на Реал Мадрид, Кристиано Роналдо, кој истакна дека му е жал што нема никој од каталонскиот клуб.

„За мене 2016 година беше најдобра во кариерата. Горд сум на оваа награда, уште еднаш им се заблагодарувам на сите и жал ми е што момците од Барселона не се овде со нас вечерва“, изјави Роналдо во Цирих.

Тренерот на Барса, Луис Енрике на прашањето да ја прокоментира изјавата на Роналдо изјави:

„Среќен сум што изминатите седум дена не гледав ТВ“.