Емери со емотивна порака се збогува од фановите на Арсенал

Унаи Емери после една година и половина работа во Арсенал денес доби отказ после серијата на лоши резултати.

Шпанецот се задржа само 18 месеци на „Емирати“и не успеа да го исполне зацртаните цели, па раководството денес реши да му врачи отказ.

Емери денес со емотивна порака се прости од навивачите на Арсенал.

„До сите фанови, сакам да ви се заблагодарам од дното на моето срце што ми помогнавте да ја разберам и почувствувам големината на Арсенал.  Најмногу од се би сакал да постигнев подобри резултати за вас. Ниту еден ден не помина без да престанам да мислам колку бев среќен што работев за овој клуб со овие играчи“, напиша Емери во пораката.