Елмас: Имам дрес од Модриќ, тој е број еден!

Македонскиот репрезентативец Елиф Елмас вечерва со неговиот Лајпциг го пречекува Реал Мадрид во Лигата на шампионите.

Елмас пред мечот даде интервју за „Марка“ каде откри дека негов омилен фудбалер од „кралскиот“ клуб е Лука Модриќ.

„Слушајте, јас сум од Балканот и може да има само еден избор, а тоа е од срце – Лука Модриќ. Се што постигна со Реал и Хрватска е неверојатно. Ја освои Златната топка. Не го велам тоа дека Реал нема многу големи играчи, но мојот фаворит е Лука. Знаете, тој е многу посебен за сите нас Балканците. За мене тој е број 1 за целото подрачје каде што беше Југославија. Секако дека имам негов дрес“, истакна Елмас.