Експерт по авијација: Авионот не се урнал, пилотот се обидел да слета на вода

Во спортските медиуми ширум светот со денови се пишува за авионот со кој леташе Емилијано Сала кон Кардиф.

Авионот на Сала падна во водите на Ла Манш, а откако беше лоциран со приватната потрага со средствата од фудбалскиот свет, властите вчера започнаа со извлекување на остатоците.

Во јавноста сега се огласи и експерт по авијација кој смета дека Сала и пилотот Иботсон можеле да се спасат.

„Од она што го видовме, авионот не паднал туку пилотот се обидел да слета на вода. Не можам да кажам во каква состојба биле кога паднале во водата, но во таква ситуација кога пилотот изведува слетување на вода луѓето може да се спасат“, изјави авијатичарот за француските медиуми.

Ќе потсетиме во авионот беше забележано и едно безживотно тело, па поради тоа се смета дека никој не ја преживеал несреќата.