Дресот од епската прослава на Меси продаден за пола милион евра

Лионел Меси пред пет години во „Ел Класико“ против Реал Мадрид во победата од 3:2 го постигна својот јубилеен 500-ти гол за Барселона, а сега тој дрес е продаден за скоро половина милион евра.

Меси во 92. минута го постигна голот по кој имаше уникатна прослава која стана една од најпознатите во историјата на шпанскиот фудбал. Аргентинецот го соблече дресот и го држеше пред навивачите на „кралевите“.

Колекционерот кој го купил дресот за ова задоволство издвоил огромни 427.000 евра. „Најсветиот од сите свети гралови“, биле неговите зборови по завршувањето на аукцијата.