Достигнување за почит – Икер Касиљас постави нов рекорд во Лигата на шампионите

Големиот Икер Касиљас вечерва успеа да ја сочува мрежата на Порто во натпреварот против Ливерпул на „Енфилд“.

Навистина, натпреварот практично и да немаше резултатско значење бидејќи Ливерпул во Португалија славеше со 0:5, но и покрај тоа Икер Касиљас се истакна со неколку одлични интервенции.

Она што е најважно, Касиљас успеа да ја сочува мрежата на својот 56 натпревар (58 ако се земат предвид квалификационите натпревари) во Лигата на шампионите.

До оваа бројка до сега не успеал да стигне ниту еден голман. Интересно е што овој рекорд Касиљас го постави во веројатно последниот натпревар во најелитното натпреварување во Европа.

Икер на лето ќе го напушти Порто, прашање е дали ќе остане во Европа, а не пак да брани во Лигата на шампионите и наредната сезона.