Доказ колку Јунајтед е очаен: „Театарот на соништата“ се претвори во „театар на кошмарите“

Нова недела, нов лош натпревар на Манчестер Јунајтед.

Во третото коло од Лигата на шампионите Јувентус го надигра Манчестер Јунајтед и го победи на „Олд Трафорд“ со 0:1, а доколку Италијанците беа нешто повеќе сконцентрирани во завршницата лесно можеше тоа да биде поубделива победа.

„Олд Трафорд“ со години беше место каде што гостинскиот тим ретко можеше да извлече бод, а не пак победа, така беше во времето на Сер Алекс Фергусон. Сепак, тие денови се минато, а за тоа доволен доказ е следниот податок.

Во седум официјални натпревари оваа сезона на „Олд Трафорд“, Манчестер Јунајтед победил на само две, два пати одиграа реми, а три пати беа поразени. Славеа на отварањето на Премиер лигата со Лестер (2:1) и во осмото коло против Њукасл (3:2). Но, треба да се спомене дека Њукасл оваа сезона е најлошиот тим во Премиер лигата и во девет кола има само два освоени бода.

Само за споредба, Јунајтед во цела минатата сезона изгуби само на четири домашни натпревари во сите натпреварувања, а оваа сезона веќе запишаа три порази што е доказ колку лошо игра тимот на Мурињо.

Ако нешто не се промени многу брзо, тешко дека Португалецот ќе биде на клупата на „црвените ѓаволи“ и во 2019 година.

Manchester United have only won 2 games at home in all competitions this season..

Theatre of nightmares! pic.twitter.com/FdRVrnRIl9

— Footy Accumulators (@FootyAccums) October 24, 2018