Додека се чека Азар, Реал договори уште еден голем трансфер!

Реал Мадрид е пред комплетирање на вториот трансфер за следната сезона, а станува збор за левиот бек на Лион, Ферланд Менди.

Откако пред неколку месеци Реал Мадрид го договори Едер Милитао од Порто, „кралевите“ наскоро ќе потпишат и со Менди, кој е желба на тренерот Зидан.

„Марка“ пишува дека биле одржани официјални преговори меѓу Лион и Реал, па двете страни на состанокот биле задоволни со преговорите и во наредните денови се очекува официјална потврда на трансферот.

Левиот бек е голема желба на тренерот Зинедин Зидан и еден од приоритетите за летово, па останува уште да се договорат двата клуба за износот на трансферот.

Лион првично бараше 55 милиони евра за Менди, но шпанските медиуми тврдат дека трансферот ќе се реализира за околу 40 милиони евра.

Во меѓувреме, „АС“ потврди дека се е спремно и за доаѓањето на Еден Азар од Челзи. Наводно закажана е презентација на Белгиецот за понеделник, а „кралевите“ за неговиот потпис ќе платат 115 милиони евра.