Интер го продаде Јан Карамо на Парма.
Клубот од Милано си изгради репутација на клуб кој не смета на своите најдобри млади играчи, иако младинскиот тим на Интер забележува одлични резултати.
Пред дербито, падна најважниот потпис во Манчестер Сити! ↓↓↓
Како еден од најголемите докази на ова тврдење е минатогодишниот трансфер на Заниоло. Младиот Италијанец Интер го искористи како „кусур“ во доведувањето на Наинголан. Сега после само една сезона во Рома цената на Заниоло е повеќе од 50 милиони евра.
Италијанските медиуми попладнево пренесуваат дека Интер ја заврши продажбата на уште еден млад фудбалер.
Јан Карамо ќе продолжи да се развива во Серија А, но во тимот на Парма. „Млекарите“ успеаа да ги договорат неговите услуги за околу 13 милиони евра.
Карамо има 21 година и одлично се снаоѓа на крилните позиции, минатата година ја помина на позајмица во Бордо каде што одигра 33 натпревари. Времето ќе покаже дали Парма е вистинско место за негов развој.
Учество во игри на среќа е дозволено за лица со 18+ години. Играј одговорно!