Диего Коста доби понуда од бразилскиот великан

Диего Коста би можел до крајот на преодниот рок да го напушти Атлетико Мадрид.

Тимот од Мадрид е спремен да го продаде 30-годишниот напаѓач, а претходно Диего се поврзуваше со враќање во Премиер лигата, откако интерес покажаа Волвс и Евертон.

Сепак, во борба за неговиот потпис се вклучи и бразилскиот великан Фламенго. Тие се спремни да го донесат Коста во своите редови, но пред себе има сериозен проблем.

Тоа е неговата плата. Коста во Атлетико заработува 8.5 милиони евра и ако Фламенго се согласи да му плаќа толку, ќе биде дупло повеќе платен од Габриел Барбоса, главниот напаѓач на тимот.

Сепак, тешко е да се верува дека Коста ќе се одлучи да се врати во Бразил. Убеден е дека може да игра уште многу во Европа и веројатно ќе прифати некоја од понудите од Англија.

Нормално, не е исклучено и да остане во Атлетико Мадрид. Иако не се прослави во дресот на овој тим, мадридскиот клуб би можел да му даде дополнителна шанса.