Де Роси наместо пари бира историја: Се сели во легендарен клуб!

Даниеле де Роси по се изгледа кариерата ќе ја продолжи во Аргентина каде ќе го носи дресот на славната Бока Јуниорс, пренесува „Фокс спортс“.

Истиот извор наведува дека 35 годишниот Де Роси веќе почнал да бара повеќе информации за Бока од неговите поранешните соиграчи од Рома, Бурдисо и Леандро Паредес.

Претседателот на аргентинскиот клуб Даниел Ангеличи, ниту го потврди, ниту го демантираше можниот трансфер на Италијанецот во Аргентина.

„Има време за разговор за засилувањата во јуни и јули. Тогаш ќе треба да се провери дали има понуди за нашите сегашни играчи. Доколку некој замине, тогаш некој друг ќе дојде, но сега мислиме на неделниот натпревар“, изјави претседателот на Бока.

Во недела Де Роси ќе го одигра последниот натпревар во дресот на Рома и ќе се прости од преполниот „Олимпико“, но како што сам најави нема да стави крај на кариерата.

Освен од Аргентина, понуди за Де Роси има и од САД и Кина.