Де Лаурентис го обвини Сари, но и порача: Калчополи беше преблаг за Јувентус!

Аурелио Де Лаурентис во последната изјава имаше свое шоу во кое повторно го обвини Јувентус, но и најави дека Сари би можел да го напушти Наполи.

„Што е до мене би сакал да остане, но нема да плачеме доколку замени. Имаме неколку опции“, изјави Де Лаурентис кој потоа не пропушти да испрати „отровни стрелки“ кон Јувентус.

„Секогаш тврдев дека Калчополи е преблаг кон Јувентус, никој не смее да оди против семејството Ањели. Сепак мораме да биде чесни, имавме шанси да ја зголемиме предноста, но не можеше секогаш да играш со исти фудбалери, поради тоа и паднавме во финишот“.

„Секогаш игравме со ист тим, доколку не се повредеше Гулам не би знаеле дека Марио Руи е добар играч“, истакна Де Лаурентис.

Оваа негова изјава може да се сфати и како обвинување кон Маурицио Сари.

Иначе медиумите во последните денови на големо пишуваат дека Сари ќе го напушти Наполи ќе го наследи Антонио Конте во Челзи.