Де Геа: Јунајтед е тим за повеќе од само топ 4, но тоа е реалноста во овој момент

Вчера на домашен терен Манчестер Јунајтед успеа да слави победа против Брајтон во заостанатиот натпревар од Премиер лигата.

Победата за „црвените ѓаволи“ ја обезбедија Кристиано Роналдо и Бруно Фернандеш. Големи заслуги во триумфот имаше и Де Геа кој запиша неколку одлични интервенции.

„Кога победувате секогаш е добро, имавме серија не неколку реми. Среќни сме. Манчестер Јунајтед е тим кој треба да се бори за нешто повеќе од топ 4, сепак во овој момент реалноста е таква каква што е. Премиер лигата е исклучително тешка има многу тимови кои сакаат да бидат во врвот, ние сакаме да го покажеме нашиот квалитет и да освоиме повеќе бодови“, изјави Де Геа.