Фудбалерите на Манчестер Сити вчера без поголеми проблеми го победија Манчестер Јунајтед со 3:1 во првото полуфинале од полуфиналето во Лига купот.
Де Брујн правеше многу проблеми на одбраната на Манчестер Јунајтед која вчера изгледаше како да е одбрана на аматерски тим, барем во првото полувреме кога „граѓаните“ ги постигнаа првите три гола.
До кога ќе дишеме отровен воздух!? | Уште еден поткаст
Гвардиола на овој натпревар го изненади Солскјер и излезе со формација без напаѓач, Бернардо Силва и Де Брујн играа како лажни деветки кои се движеа помеѓу нападот и средниот ред. Токму тие двајца беа најдобри на теренот.
После натпревар Де Брујн порача дека на Сити му биле доволни 15 минути да се подготви за Јунајтед.
„Формацијата ја вежбавме 15 минути утрово, ништо повеќе тоа беше се. Во понеделникот на тренингот не го работевме тоа. Но, тоа не беше тактика која не сме ја користеле против други тимови. Неколку пати сме играле вака“, изјави Де Брујн.
За Белгиецот ништо уште не е завршено.
„Не е завршено бидејќи во овој натпревар не постои правилото гол на гости. Значи, тие можат да постигнат два гола на наш терен, меѓутоа сигурно дека предноста е добра“, заврши фудбалерот на „граѓаните“.
Реваншот помеѓу овие два тима се игра на 29. јануари.
Учество во игри на среќа е дозволено за лица со 18+ години. Играј одговорно!