Детали за сообраќајката на Рашфорд: Се судрил со бабичка која воопшто не знаела кој е

Maнчестер Јунајтед викендов славеше победа против Барнли од 0:1, а Маркус Рашфорд по натпреварот се најде во центарот на вниманието поради нефудбалски работи.

Имено, на заминувањето од натпреварот Рашфорд направил сообраќајка и го оштетил неговиот Ролс Ројс вреден околу 700.000 фунти.

Сега на Островот се појавуваат и детали околу сообраќајката. Наводно, фудбалерот направил судар со бабичка која се враќала од кај своите внуци.

Жената имала 74-години и бидејќи не следела фудбал воопшто не знаела кој е Рашфорд кој веднаш излегол од автомобилот да провери дали е се во ред со неа. На местото набрзо стигнал и Бруно Фернандеш, а потоа и докторот на Манчестер Јунајтед кој и понудил лекарска помош.,

Бабичката на крајот била со такси однесена во нејзиниот дом.