Дерби на денот: Интер за приклучок на врвот, Наполи за рекорд

Актуелниот шампион на Италија, Интер ќе се обиде да ја намали разликата од лидерот Наполи вечерва, кога двата гиганти од Серија А ќе играат на Џузепе Меаца.

Додека третопласираните Нероаѕури одиграа нерешено 1:1 во миланското дерби на последниот меч пред репрезентативната пауза, нивните гости ја продолжија серијата без пораз играјќи 1:1 со Верона на домашен терен.

Интер пред императив да победи

По првото сезонско Дерби дела Мадонина пред две недели, Интер се уште заостанува од Наполи и Милан со по седум бода и надежите за одбрана на скудетото се темелат на пресврт од натпреварите како овој против Наполи, против директните конкуренти. Ова е натпревар од огромна важност за Интер.

Гостувањето на Наполи на „Џузепе Меаца“ следи по тензичното реми со Милан пред репрезентативната пауза, кога Мартинез промаши пенал и уште неколку шанси за победа.

По поразот од Лацио во средината на минатиот месец, тимот на Симоне Инзаги остана непоразен, а само ремито во Дерби д’Италија против Јувентус ги спречи да забележат пет последователни победи. Интер е втор зад Реал Мадрид во нивната група во Лигата на шампионите и е во добра позиција да напредува.

Сепак, шампионите се чини дека изгубија многу откако Антонио Конте и Ромелу Лукаку ја напуштија екипатаа во текот на летото, нешто што остави голема трага сезонава.

Сепак има и добри работи во Интер. Нероаѕурите, сепак се непоразени во последните четири првенствени натпревари против Наполи, а благодарение на нападот со нов изглед, постигнаа најмногу голови во Серија А оваа сезона – вкупно 29 гола.

Наполи брка рекорди

Поранешниот тренер на Интер, Лучијано Спалети со Наполи победи на 10 од нивните 12 натпревари во Серија А сезонава за да остане на врвот заедно со Милан.

Сепак, кикснаа непосредно пред репрезентативната пауза, бидејќи Верона се држеше цврсто и обезбеди нерешен резултат 1:1 на стадионот Марадона за да стави крај на совршениот домашен рекорд на Наполи во лигата.

Како и да е, Наполи е непоразен во последните 21 натпревари во Серија А, а последниот пораз е уште во април, против Јувентус. Таквата конзистентна серија е неверојатна и сега се приближуваат до клупскиот рекорд од 26 меча без пораз, поставен пред четири години.

Спалети најавува дека ќе нападне од првата минута, но тоа е веројатно само игра на зборови. Наполи би требало да игра претпазливо и сигурен сум дека ќе биде задоволен и со бод од овој меч.