Денес е клучниот ден за трампата Милан – Јуве: Игуаин отворен за преселба на Сан Сиро

Италијанските медиуми пренесуваат дека денес може да биде „денот Д“ за комплетирање на мега-операцијата помеѓу Милан и Јувентус во која што ќе бидат вклучени Бонучи, Игуаин и Калдара.

Како што пренесува „Скај Италија“ двата италијански гиганти веќе имаат постигнато договор договор за трансферите. Договорот предвидува размена помеѓу Бонучи и Калдара и трансфер на Игуаин во Милан за 56 милиони евра.

Притоа, Аргентинецот ќе се пресели на „Сан Сиро“ на едногодишна позајмица за 18 милиони евра, а следното лето „росонерите“ се обврзани да го откупат за додатни 38 милиони евра.

Притоа, Бонучи веќе постигна договор со Јувентус, Калдара се договорил со Милан, па останува уште Игуаин и Милан да постигнат договор.

Milan and Juventus have an agreement on Bonucci-Caldara swap deal. Bonucci has an agreement with Juventus and Caldara has an agreement with Milan. Only thing missing is Higuain to find an agreement with Milan [Sky] pic.twitter.com/Dr2LuaAnRR

— Milan Eye (@MilanEye) July 30, 2018

Наводно Леонардо веќе имал првичен контакт со агентот и брат на Игуаин, Николас, кој му потврдил дека Аргентинецот е спремен да се пресели во Милан

Во текот на денешниот ден Николас ќе има средба со раководството на Јувентус, а потоа ќе седне на преговарачка маса со Леонардо каде треба да ги договорат деталите од договорот. Милан е спремен да му понуди на Игуаин 4-годишен договор тежок 7 милиони евра по сезона плус бонуси.

Доколку се биде како што треба најдоцна до утре би требало да биде комплетирана мега-операцијата помеѓу Милан и Јувентус.

There is a "positive excitement" from Milan's side over the maxi deal with Juventus for Bonucci-Caldara and Higuain. The Argentinian striker has no problems regarding joining Milan. [@PeppeDiSte] pic.twitter.com/md253wkapt

— TheMilanBible (@TheMilanBible) July 30, 2018