Демант: Тимот на Надал ги разочара фановите на Шпанецот

Денеска во јавноста се појави информација дека Рафаел Надал сигурно ќе настапи на Австралија Опен во 2024 година, сепак сега стигна демант.

Медиумите пренесуваа дека директорот на Австралија Опен, Крег Тајли соопштил дека Надал ќе игра.

„Ги видовме информациите, но мораме да демантираме, тоа не е точно. Се уште не знаеме дали Надал ќе може да игра, прерано е да се каже.

Ќе објавиме датум на неговото враќање кога тоа ќе биде сигурно, засега не се зане. Рафа само што почна да тренира и прерано е да се зборува“, изјави Бенито Перез, претставник од тимот на Надал.