Дарко Панчев вечерва му дава предност на Интер, а има и фаворит за освојување на ЛШ

Вечерва Милан и Интер ќе играат во првото полуфинале од Лигата на шампионите во терминот од 21:00 часот.

Ова е натпревар на два градски ривали кои добро се познаваат, а сезонава ќе им биде четврти натпревар. Пред натпреварот свое мислење даде и македонската фудбалска легенда Дарко Панчев.

„Милан е домаќин, но бидејќи играат на ист стадион кој двете екипи одлично го познаваат, домашниот терен сега и не е некоја предност. Голема работа е што два италијански клуба стигнаа до полуфиналето. На такво нешто не се надеваше веројатно никој. Интер е во дбра форма, има одлични поединци, додека Милан во овој момент е во мал пад, на сето тоа се повреди и Леао. Ако не игра Леао, блага предност му давам на Интер“, изјави Панчев за српски „Информер“.

Фаворит за трофејот за Панчев е Манчестер Сити.

„Очекувам Милан и Интер да водат изедначена битка до крајот на вториот натпревар. Како што кажав, предност му давам на Интер, но и да победи, тоа нема да биде убедливо. Пред два месеци кажав дека Манчестер Сити ќе ја освои Лигата на шампионите и се уште стојам на тој став, парите играат важна улога во фудбалот“, додаде Панчев.