Дали Чилеанецот претера: Санчез веднаш по потписот ги разочара навивачите на Арсенал

Новиот фудбалер на Манчестер Јунајтед, Алексис Санчез вчера изјави дека е воодушевен, бидејќи се приклучи во „најголемиот клуб во светот“.

„Воодушевен сум што се приклучив на најголемиот клуб во светот. Шансата да играм на овој историски стадион и да се соработувам со Жозе Мурињо е нешто што не можев да го одибјам“, клупскиот сајт ги пренесе првите зборови на Санчез по доаѓањето во Јунајтед.

Санчез потпиша договор на четири и пол години со „Црвените ѓаволи“.

„Многу сум среќен што ќе бидам првиот фудбалер од Чиле кој ќе игра за првиот тим на Јунајтед и се надевам дека ќе им покажам на нашите навивачи ширум светот зошто клубот сакаше да ме доведе“, изјави Санчез.

Алексис Санчез му се заблагодари на досегашниот клуб Арсенал за тие три и пол „прекрасни години“ и на тоа што има добри спомени. Инаку, Арсен Венгер вчера изјави дека „Топчиите“ се направиле за да го задржат, но одлучна била неговата жед за парите.