Гризман ја напушта Барса по „дисконтна“ цена

Големи превирања се случиваат во Барселона, каде денес беше уапсен поранешниот претседсател Хозе Марија Бартомеу.

Лионел Меси на крајот на сезоната најверојатно ќе си замине како слободен агент, а медиумите тврдат дека на излезна врата е и Антоан Гризман.

Имено, поради лошата финансиска ситуација Барселона ќе биде приморана на лето да го продаде Французинот.

Клубот веќе ја поставил цената е ќе го пушти Гризман за само 60 милиони евра, што е половина од сумата која ја платија за него пред две години.

Гризман има голема плата и каталонскиот клуб сака да се ослободи од него, а најсилен интерес за Французинот покажуваат Манчестер Јунајтед и ПСЖ.

Се претпоставува дека Гризман нема да биде единствената ѕвезда која ќе си замина од Барса, па сигурно не чека бурно лето на „Камп Ноу“.