Голманите се жалат на топката – на Мундијалот ќе видиме најмалку 35 голови со удар од далечина!

Претстојното Светско првенство во Русија ќе се игра со топката од „Адидас“ „Телестар 18“, која ФИФА ја претстави уште кон крајот на 2017 година.

Со оваа топка најдобрите светски селекции неодамна имаа прилика да се запознаат и на пројателските натпревари.

Судејќи според првите коментари, „Телестар“ би можелa да биде новата „Џабулани“ (СП 2010) топка на која голманите исто така се жалеа.

„Би можел да се обложам дека на Светското првенство ќе видиме најмалку 35 голови од далечина. Мислам дека топката треба да се промени, додека се уште има време“, изјави Пепе Реина кој доби поддршка и од неговиот репрезентативен колега.

„Навистина е чудно. Можеа да ја направат малку подобра, нејзиниот лет е непредвидлив“, изјави Давид Де Геа кој во натпреварот против Германија прими гол со удар од далечина.

Le but de la soirée est signé Thomas Muller. pic.twitter.com/mi7rLauVlp

— Josse (@iscosinho) March 23, 2018

Критики за топката имаше и Германецот, Тер Штеген.

„Топката можеше да биде подобро, но мислам дека едноставно мораме да ја прифатиме и да се навикнеме на неа пред почетокот на Светското првенство. Немаме друг избор“, изјави Тер Штеген.