![](https://sportski.mk/wp-content/uploads/2024/07/olmo-800x491.jpg)
ДАНИ ОЛМО доби официјална понуда од Барселона да се пресели од РБ Лајпциг на Камп Ноу. Ова го тврди Мундо Депортиво, наведувајќи дека оваа понуда во писмена форма стигнала до рацете на агентите на Олмо и дека според неа Барселона на германскиот клуб треба да му даде околу 60 милиони евра, а на Олмо шестгодишен договор.
Еден од најдобрите играчи на шпанската репрезентација на Европското првенство е под договор со РБ Лајпциг до крајот на сезоната 2026/27.
Лига Нации: Се освен прво место ќе биде катастрофа за Македонија! ↓↓↓
Во тој договор има клаузула според која тој може да си замине порано доколку друг заинтересиран клуб го активира со банкарски гаранции во висина од 60 милиони евра.
Рокот за активирање на таа клаузула истекува денеска, по што играчот од средниот ред, кој постигна три гола и даде две асистенции на ЕП, би требало да чини многу повеќе.
Важно за Барселона, но и за другите заинтересирани клубови, Олмо и неговите агенти успеаја да го убедат Лајпциг да ја задржи сумата од 60 милиони евра потребни за неговиот трансфер уште неколку недели.
Ова го тврди Мундо Депортиво и додава дека Олмо во кругот на семејството и луѓето кои се грижат за развојот на неговата кариера, денеска темелно ќе ја проучи понудата на Барса.
Интерес за Олмо покажаа и Манчестер Сити, Манчестер Јунајтед, Ливерпул, Атлетико Мадрид, Баерн, ПСЖ…, но не е тајна дека Олмо нема да има ништо против да се врати во Барселона, каде што ја започна кариерата.
Како тинејџер пристигна во Динамо од клупската академија на Барса, каде го продолжи својот развој, а потоа се пресели во Лајпциг.