Направен е првиот чекор за укинување на конференциите во NBA лигата – нема да има веќе ѕвездени дуели помеѓу Истокот и Западот.
На All-Star дуелот, кој се одржува секоја година од 1951 година наваму, досега се играше така што навивачите бираа по пет најдобри играчи од источната и западната конференција, кои потоа, заедно со седум резервни играчи, ги претставуваа своите конференции во елитниот NBA дуел помеѓу Истокот и Западот.
Како екраните влијаат на детскиот развој? Разговор со дефектолог
И понатаму ќе се бираат по 12 играчи од секоја конференција, како и минатата година, ќе се сметаат гласовите од навивачите, играчите и новинарите, но оној играч кој ќе добие најмногу гласови ќе биде капитен и ќе го бира својот тим.
Натпреварот ќе има и хуманитарен карактер, бидејќи секоја екипа ќе одбере по едно здружение од областа на градот кој ќе биде домаќин и NBA приходите од влезниците ќе ги донира на тоа здружение.
Гласањето за учесници на All-Star натпреварот почнува на Божиќ, дуелот е на распоред на 18 февруари, а резервите и понатаму ќе ги бираат тренерите.
Учество во игри на среќа е дозволено за лица со 18+ години. Играј одговорно!