Гвардиола го нападна Артета: Следниот пат биди појасен

Пеп Гвардиола побара од Микел Артета да престане јавно да ги изнесува навредливите и неосновани шпекулации поврзани со Манчестер Сити и на тој начин да го оцрнува клубот.

По натпреварот од 5-то коло од Премиер лигата на „Етихад“, Артета се пожали на играчите на Сити и изјави:

„Таму бев четири години. Ги имам сите информации, верувајте ми“.

„Дали тоа го рече? Следниот пат треба да биде појасен што значи ова. Тој рече дека бил тука четири години и точно знаел што се случило овде. Но, ова би можело да важи и за случајот со 115 обвиненија – можеби токму тоа мислеше? Можеби има информации за оваа работа. Се надевам дека му беше поставено соодветното прашање. Наместо да биде мрачен, требаше да биде појасен“, изјави Гвардиола.