Гвардиола ги откри плановите за својата иднина!

Тренерот на Манчестер сити, Пеп Гвардиола истакна дека е отворен да остане во клубот и по завршување на неговиот договор во јуни 2021 година.

Шпанскиот стратег повторно беше запрашан дали сака да продолжи да го води Манчестер Сити. Тој веќе четврта сезона е на кормилото на „граѓаните“, а повеќе од тоа никогаш не останал во еден клуб.

„Отворен сум за продолжување на соработката, да. Удобно ми е во овој клуб, но се зависи од резултатите. Кога си во некој клуб пет години, тоа зависи од резултатите. Ќе видиме што ќе се случи оваа сезона, а потоа и следната“, изјави Гвардиола.

„Сакам да ја видам реакцијата на своите фудбалери, околината… не е само да дојдам и да кажам дека останувам. Сакам да видам како функционираме заедно – тоа е поважно по пет години. Човек мора да почуствува сигурност и уживање на сите во клубот“, додаде Пеп.