Газдата на Фиорентина за Киеза: Ако сака може да си оди!

Федерико Киеза е на мета на многу клубови, гигантите постојано го следат и само прашање на време е кога ќе ја напушти Фиорентина.

Фиорентина во летниот преоден рок одолеа на богатите понуди, но медиумите тврдат дека не е исклучено Киеза да биде продаден во јануари.

Тоа го потврди и првиот човек на Фиорентина, Роко Комисо, кој изјави дека играчот ако сака може да си оди.

„Веќе разговарав со неговиот татко Енрико. Ако Федерико сака да си оди, тоа може да го направи, но само ако стигне адектватна понуда до Фиорентина“, изјави Комисо.

Киеза има договор со Фиорентона од 2022 година, го сакаат Интер и Јувентус, но „виолетовите“ за неговата слобода бараат најмалку 55 милиони евра.