Во Реал никој не „жали“ по Роналдо: Не ни недостасува, играме одлично

Кристиано Роналдо секако беше најдобар играч и веројатно најзаслужен за освојувањето на трите титули во низа европски шампион на Реал Мадрид.

Сепак, неговата појава како да ги спречуваше останатите играчи да покажат што знаат. Бензема и Бејл проработеа оваа сезона и Реал и без Роналдо изгледа сосема добро.

Еден од оние од кои се очекува да проработат е и Иско.

Иско за шпанските медиуми истакна дека на овој тим воопшто не му недостасува Роналдо и дека екипата игра одлично и без него.

„Крис е одличен, неверојатен фудбалер. Тој ви гарантира 40-50 погодоци. Кога ќе победуваме ќе кажуваат дека не ни недостасува, ако не победимува ќе биде спротивното. Сега играме одлично, фудбалерите кои не постигнуваат голови минатата година сега тоа го прават. Не ни недостасува Роналдо. Јас му посакувам се најдобро во Јувентус“, изјави Иско.

Нема сомневање дека многу играчи конечно добија слобода во Мадрид, а Иско веројатно е еден од нив.

Isco. pic.twitter.com/7GyXUsiHVs

— Les Remplaçants (@Les_Remplacants) September 1, 2018