Во Борусија разочарани: Ни кажаа дека не е пенал ако прво ја удриш топката со глава

Борусија Дортмунд вчера беше елиминирана од Лигата на шампионите откако беше поразена и во вториот натпревар против Манчестер.

Ситуација која би ја сместиле во категоријата 50/50. Раката на Емре Џан навистина не мораше да биде така испружена, но од друга страна топката го погоди прво во глава. Судијата Карлос дел Серо сепак покажа пенал. Ријад Марез ја реализираше најстрогата казна и така Сити до изедначување, додека Борусија го изгуби резултатот кој ја водеше во полуфиналето.

„Ме нервира што пласманот во наредната рунда го испуштивме поради два такви гола. Пред почетокот на сезона јасни ни кажаа: Ако топката ја удриш прво со глава па со рака, тогаш тоа не е кршење на правилата. Не сме среќни од судиските одлуки во изминатите седум дена“, изјави тренерот на Борусија Звездан Терзиќ.