Влезе во НБА, па и откажа на репрезентацијата

Низ минатото сведоци сме како многу кошаркари кога ќе станат дел од НБА тимовите немаат време за репрезентацијата, меѓутоа младиот Французин, Виктор Вембањама одлучи да откаже многу рано.

Французите можеби во него гледаат иднина на својата кошарка откако како прв пик беше избран од Сан Аантонио Спарс. Но, по неговиот избор донесе одлука да не игра за Франција на Мундобаскетот кој ќе се одржи на Филипините, Јапонија и Индонезија.

Медиумите во САД пишуваат дека причина за откажувањето е што Сан Антонио сака повеќе да работи со него и да го подготви за НБА, па така нема време за настап за репрезентацијата.

Претходно самиот Вембањама зборуваше дека има голема желба да игра на Мундобаскетот за својата земја, меѓутоа сега тоа нема да се случи. Досега за репрезентацијата на Франција собра четири настапи во кои имаше просек од 19 поени и 8.3 скока по натпревар.