Влаховиќ си оди во јануари, два клуба се борат за неговиот потпис

Напаѓачот на Фиорентина, Душан Влаховиќ откако јавно потврди дека нема да го продолжи договорот со „виолетовите“ е на удар на навивачите.

Влаховиќ има договор со Фиорентина до 2023 година, но откако одби да стане најплатен фудбалер во историјата на клубот, јасно е дека ќе биде продаден.

Поради лошиот однос со навивачите на Фиорентина, Влаховиќ може да го напушти клубот во зимскиот преоден рок, а два клуба ќе ја водат главната битка за неговиот потпис.

„Газета дело Спорт“ пренесува дека Манчестер Сити и Јувентус веќе започнале преговори со Фиорентина за трансфер на Влаховиќ, а трансферот треба да изнесува помеѓу 60 и 70 милиони евра.