Витсел: Канте има 36 нозе и шест бели дробови

Играчот за врска на белгиската репрезентација, Аксел Витсел се пошегува дека Нголо Канте има „36 нозе и шест бели дробови“.

Неуморниот играч на Челзи ќе го пропушти денешниот дуел против Белгија во Лигата на нации, бидејќи е позитивен на коронавирус.

Според Витсел, отсуството на Канте е добра вест за неговата репрезентација.

„Бензема е повеќе од фудбалер на топ-ново. Против него е навистина многу тешко да се игра. Во составот на Франција има неколку топ фудбалери. Мбапе и Гризман се само едни од нив. Канте нема да игра, што е добро за нас, зошто тој има шест бели дробови и 36 нозе“, се пошегува Витсел.