Вилијан како слободен агент се враќа во Лондон

Бразилецот Вилијан го раскина договорот со Коринтијас и според медиумите тој е блиску до враќање во Лондон и тоа во редовите на Фулам.

Премиер лигата е одлично позната дестинација за Вилијан бидејќи цели осум години настапуваше на Островот, седум сезони во Челзи и една во Арсенал. Сега како што стојат работите ќе заигра и за трет клуб од Лондон.

Последните информации кои ги пренесуваат медиумите на Островот и во Бразил се дека преговорите се во напредна фаза и наскоро се би можело да биде завршено.

Фулам не би платил ништо за Вилијан затоа што пристигнува како слободен агент.