Видео: Реал поразен на дебито на Азар, Баерн немаше милост

Баерн Минхен со 3-1 го победи Реал Мадрид на пријателскиот турнир „Интернационален шампионски куп“, во меч во кој дебитираше Еден Азар.

Резултатот го отвори Толисио уште во 15-та минута од натпреварот по една убава акција, а потоа долго време мрежите мируваа.

Реал Мадрид имаше доста шанси до моментот кога германскиот тим го постигна и вториот гол на натпреварот преку Роберт Левандовски во 67-та минута. Само три минути подоцна Серж Гнабри го постигна и третиот гол за Баерн.

Во завршницата Родриго на атрактивен начин само го ублажи поразот, постигнувајќи го првиот гол во дресот на Реал.