Видео: Мајсторскиот лоб во 90-та минута кој за Парма значеше враќање во Серија А

Вчера беше одиграно последното 42 коло од италијанската Серија Б, а Парма му се придружи на Емполи како директен патник во друштвото на најдобрите во Италија.

Сепак, „млекарите“ немаа се во свои раце. На Парма и беше потребна победа против Спезија и кикс на Фросиноне против Фоџа.

Парма својот дел рутински го одработи и ја совлада Спезја на гостински терен со 2:0. Вистинска драма беше видена на натпреварот помеѓу Фросиноне и Фоџа.

Фоџа поведе во 35 минута преку Мазе, Пагани изедначи во 68 минута на 1:1. Во 73 минута Рубин неспретно ја погоди сопствената мрежа и го доведе Фросиноне во предност, сонот на Парма за директен пласман во тој момент скоро и да се сруши.

Никој не очекуваше дека Фоџа ќе постигне гол до крајот, но тоа се случи! Роберто Флориано погоди за 2:2 и тоа со мајсторски лоб удар, гол со кој ја испрати Парма во Серија А.