Видео: Лајпциг конечно поразен, Баерн нов лидер!

Фудбалерите на Баерн, по 14-то коло, се вратија не челната позиција во Бундеслигата, откако Лајпциг го доживеа првиот пораз во шампионатот.

Лајпциг загуби кај Инголштат, а првиот пораз во сезоната му го нанесе Роџер кој единствениот гол на мечот го постигна во 12 минута. Инаку овој натпревар беше прв на кој Лапјциг во Бундеслигата не постигна гол.

Баерн го искористи киксот на Лајпциг и со победата над Волфсбург се врати на челната позиција. Баварците беа немилосрдни и 5 пати ја тресеа мрежата на противникот, Робен, Милер, Даглас Коста и два пати Левендовски се запишаа во листата на стрелци.