Видал после една сезона го напушта Интер

Италијанските медиуми пренесуваат дека Артуро Видал ќе го напушти Интер после само една сезона.

Видал оваа сезона одигра 30 натпревари за миланскиот клуб, но во последно време е во втор план кај Антонио Конте кој почна да му дава повеќе шанса на Ериксен.

„Кориере дело Спорт“ пишува дека Интер е спремен да го пушти Видал. Како главна причина се наведува договорот за платата која треба му се зголеми од пет на шест ипол милиони евра.

За Чилеанецот интерес покажуваат Марсеј и Галатасарај, но тешко дека овие клубови можат да му ја гарантираат платата која ја добива во Интер.