Вардар лесно против Металопластика, на чекор од четвртфинале

Вардар лошо го отвори натпреварот, но потоа почна да се „буди“ и на полувреме замина со пет бода предност.

Во вториот дел Вардар продолжи да доминира, Кизиќ беше одличен на голот,  без многу проблеми стигна до убедлива победа од 39-31.

„Како што очекувавме ова беше еден лесен меч, да кажам полесен тренинг. Игравме со најдобрите со цел утре шанса да добијат и другите играчи. Крај на сезона е, па многу е тешко за оние ракометари кои го носеа товарот во текот на целата година. Честитики за играчите за се што направија денеска, забележавме убедлива победа без тензија и напор“, изјави Алушевски.

Фото: РК Вардар