Варан искрен: Еве што е разликата помеѓу Мурињо и Зидан!

Фудбалерите на Реал Мадрид зад себе имаат фантастична сезона, триумфираа во Лигата на шамионите и станаа шампиони во Шпанија.

„Кралевите“ станаа првиот клуб во историјата на Лигата на шампионите кој успеал да го одбрани трофејот, а ова беше и втор трофеј за Зидан во низа, иако Реал се наоѓаше во лоша позиција кога Французинот го превзема кормилото.

Играчот на Реал, Рафаел Варан, во изјава за француските медиуми одлучи да ја открие разликата помеѓу Жозе Мурињо и Зинедин Зидан.

„Неговиот успех дојде бидејќи е многу смирен и не ги менува лесно работите, без оглед на тоа што се случува. Смирен е и сигурен во тоа што го прави. Многу малку зборува, но кога тоа ќе го направи навистина работите се променуваат. Ми се допаѓа тоа што реагира сосема смирено во критичните моменто, што е целосно спротивно од она што го прави Жозе Мурињо“, изјави Варан.