Бразилецот од Јувентус открива: Доколку победевме на тој натпревар ќе бевме претепани

Фудбалерот на Јувентус, Даглас Коста кој своевремено настапуваше за Гремио открива шокатни детали.

На „YouTube“ каналот „Philado“ се појави видео во кое Коста открива што се случувало во натпреварот помеѓу Фламенго и Гремио, но видеото веднаш беше избришано.

Во последното коло од бразилското првенство во сезоната 2008/2009 Гремио кој веќе имаше обезбедено пласман во квалификациите за Копа Судамерикана играше Фламенго. Натпреварот за Гремио не беше од големо значење, додека пак Фламенго водеше жестока борба за титулата со Инернационал.

Коста сега се одлучи јавно да зборува за случувањата кои му претходеле на поразот на Гремио од 2:1.

„Игравме со резервен тим. Први постигнавме погодок, полувремето заврши 1:1. Кога започна вториот дел, пристигнаа вести дека Интернационал ќе биде шампион доколку нашиот натпревар заврши без победник. Тогаш започнав да дриблам, на едната, па на друга страна. Никако не сакав да се доближувам до голот на Фламенго. Беше тешко бидејќи не можев да го дадам својот максимум. Лошо се чуствував, но бев присилен да играм за да не победиме“, се правдаше сегашниот фудбалер на Јувентус.

Коста откри и дека директорите ги посетиле во соблекувалната пред натпреварот: „Можете да правите што сакате, но сами одговарате за своите постапки“, гласело предупредувањето.

„Бевме предупредени дека не смееме да победиме бидејќи навивачите на Фламенго веќе имаат план како да не спречат во патот да се вратиме во своите домови. Доколку победевме навивачите нас би не убиле, но тоа немаше да им се допадне и на нашите навивачи. Реално, ривалството помеѓу Гремио и Интернационал е огромно. На кратко кажано, сите ќе бевме претепани доколку победиме“, заврши Коста.

е