Бо се држи и на 33 години: Мекејлеб играч на колото во АЦБ лигата (ВИДЕО)

Сарагоса во неделата го совлада Хувентуд со 112:66, а најдобар на натпреварот беше човекот кој со „златни букви“ се запиша во историјата на македонската кошарка – Лестер Бо Мекејлеб

Мекејлеб денес има 33 години, но и понатаму знае да одигра одличен натпревар. Против Хувентуд постигна 21 поен (4/4 за еден, 4/5 за два и 3/3 за три).

Ваквиот учинок на Мекејлеб му беше доволен за да биде избран за играч на колото во АЦБ лигата.

За Мекејлеб ова е трета сезона во АЦБ лигата, а ова му е прв пат да стигне до вакво признание.