Болт призна: Сакам да станам фудбалер!

Најбрзиот човек на светот, Јамајканецот Усаин Болт изрази желба да стане фудбалер и да игра во Премиер лигата.

„Не е важно името на клубот, не мора да биде некој од премиерлигашите. Би сакал дса се испробам како фудбалер, би сакал да добијам шанса за да видам каде сум. Тоа би ме одушевило“, истакна сопственикот на девет златни олимписки медали.

Болт смета дека неговите фудбалски вештини се подобри од некои фудбалски професионалци.
„Често гледам фудбалски натпревари и некои од фудбалерите не се толку добри колку јас. Ќе мора да организираме некој вид тест на моите вештини“, самоуверен е Болт.

„Кога би ме повикале од Јунајтед би прекинал сѐ и би седнал во првиот авион и би се упатил во Англија“, заклучи на крајот Јамајканецот.