„Билд“ демантира дека Баерн е заинтересиран за Роналдо

Иднината на Кристиано Роналдо е главна тема, откако стана јасно дека сигурно ќе го напушти Манчестер Јунајтед после контроверзното интервју.

„Дејли Мејл“ денес објави дека најсериозен интерес за Португалецот покажува Баерн Минхен.

Меѓутоа, набрзо стигна демант од „Билд“, кој тврди дека иднината на Кристиано Роналдо не била меѓу темите на последната средба на агентот на португалската ѕвезда Жорге Мендеш и раководството на Баерн Минхен.

Мендеш бил забележан на средба со претставници на германскиот шампион, но според информациите тоа нема врска со Кристиано Роналдо и Баварците не се заинтересирани за ветеранот.