„Барселона должи милијарда, а троши како Сити“

Барселона денес официјално го објави трансферот на Роберт Левандовски, кој утре ќе биде промовиран на „Камп Ноу“.

Со плаќањето на 45 милиони евра на Баерн каталонскиот гигант стана третиот клуб во светот во овој преоден рок кој потроши 100 милиони евра за трансфери.

„Тие должат милијарда, но трошат како Манчестер Сити“, е еден од насловите за тоа како Барселона, од клуб кој до пред две недели беше блокиран и му беше забрането да купува нови играчи, дојде да се искачи на третото место на „трошачите“ во овој преоден рок.

Претседателот Жоан Лапорта доби дозвола од Собранието на клубот да го продаде имотот со цел да ги надомести долговите и да ја одблокира работата. Прво продаде 10, а потоа уште 15% од ТВ правата за пренос во следните 25 години на американската компанија „Six Street“ за околу 330 милиони евра, со што делумно ја отстрани блокадата и ја донесе завршната сметка за минатата сезона до „плус“.

Сепак, за да ги регистрира Франк Кеси, Андреас Кристијансен, Усман Дембеле, Рафиња и Левандовски, до 31 август ќе треба да додаде дополнителни 300 милиони евра во касата за да го усогласи буџетот во духот на фер-плејот во Примера.